Oliveca ibiso

Kiel legi la taksonomion Oliveca ibiso
Oliveca ibiso
Biologia klasado
Regno: Animaloj Animalia Filumo: Ĥorduloj Chordata Klaso: Birdoj Aves Ordo: Pelikanoformaj Pelecaniformes Familio: Treskiornitedoj Threskiornithidae Genro: Bostrychia
Dunomo
Bostrychia olivacea (Du Bus De Gisignies, 1838)
Konserva statuso
Konserva statuso: Malplej zorgiga
Aliaj Vikimediaj projektoj

La Oliveca ibiso (Bostrychia olivacea) estas specio de birdoj de la familio de Treskiornitedoj. Bostrychia olivacea estis disigata en B. olivacea kaj B. bocagei. La Nana oliveca ibiso aŭ Santomea ibiso, Bostrychia bocagei, de Santomeo diferencas el la kontinentafrika Oliveca ibiso, B. olivacea, de okcidenta kaj centra Afriko pro grando de fligiloj, beko, tarso 58-70 mm, vosto, bekokoloro (palbruna kun palruĝa ĉe supra bordo kaj pinto kontraŭ tutpala al brikruĝa en rothschildi), kaj koloro de supraj partoj (sed verdeca kaj bronzkoloraj nuancoj de aliaj rasoj), plus evidenta sed ankoraŭ ne tre bona dokumentata voĉodiferenco.

Disvastiĝo

Ilustraĵo de plenkreskulo

Ilustraĵo de plekreskulo

Ĝi troviĝas en Kameruno, Respubliko Kongo, Demokratia Respubliko Kongo, Eburbordo, Gabono, Ganao, Kenjo, Liberio, Santomeo kaj Princo, Sieraleono, kaj Tanzanio.

Aspekto

Temas pri bruneca ibiso en subaj partoj, dum supraj estas iom pli malhelverdecaj. Ĉe la subspecio cupreipennis la flugiloj estas 309-355 mm longaj, la beko 83-94 mm, la tarso 58-70 mm, kaj la vosto 125-133 mm. La beko kaj kruroj estas ruĝaj. Estas grizeca ĉirkaŭokulo kaj brilaj nuancoj ĉe ŝultroj.

Kutimaro

Tiu specio estas malnomada. Reproduktiĝas en solecaj paroj kaj kutime manĝas sole, en paroj aŭ en malgrandaj aroj de 5-12 individuoj, ripozas nokte en arboj. Ili manĝas en arbarklarejoj kaj en marĉaj areoj, ĉe rojoj kaj riveroj, mangrovejoj, regenerantaj arbaroj ĉe abandonitaj plantejoj en Gabono kaj en montararbaroj ĝis la arbolimo (ĉ. 3,700 m) en Kenjo kaj Tanzanio.

Ili manĝas insektojn (ekz. skaraboj), vermojn, helikojn, serpentojn kaj foje plantomaterialon. La nesto estas platformo el bastonetoj konstruita surarbe, kaj foje en klifotruoj, sed tio ne estas konfirmita.

Subspecioj

Estas agnoskataj la jenaj subspecioj:

• Bostrychia olivacea olivacea nomiga subspecio
• Bostrychia olivacea cupreipennis
• Bostrychia olivacea rothschildi
• Bostrychia olivacea bocagei, jam konsiderata kiel plena specio nome Santomea ibiso
• Bostrychia olivacea akleyorum

Referencoj

• BirdLife International (2008). Bostrychia olivacea. En: IUCN 2008. IUCN Ruĝa Listo de Endanĝeritaj Specioj. Elŝutita en 5a Novembro 2008. Kriterioj kial tiu specio estas Malplej Zorgiga.